Выстава «Родны мой горад — любоў мая!» пачне працаваць у Магілёве 26 чэрвеня
Выстава работ вядомага магілёўскага мастака Уладзіміра Шпартава «Родны мой горад — любоў мая!» будзе праходзіць у Выставачнай зале Музея гісторыі Магілёва з 26 чэрвеня па 14 ліпеня.
На выставе, якая прысвечана Дню горада, наведвальнiкi ўбачаць лірычныя жывапісныя творы майстра (пейзаж, партрэт), а таксама працы на тэматыку Вялікай Айчыннай вайны.Работы для выставы прадстаўлены сям’ёй мастака, а таксама Магілёўскім абласным краязнаўчым музеем імя Е. Раманава і Магілёўскім абласным мастацкім музеем імя П. Масленікава.
Адкрыццё выставы адбудзецца 26 чэрвеня а 17.00.
Уладзімір Нічыпаравіч Шпартаў (1939 — 2018) скончыў Віцебскі педагагічны інстытут у 1965 годзе. У мастацкіх выставах прымаў удзел з 1967. Працаваў у жанрах сюжэтна-тэматычнай карціны, пейзажу.
mogilev.gov.by
