Гастролі Палескага драматычнага тэатра 1 снежня ў Магілёве
«ПАН ТВАРДОУ́СКІ» — містычная легенда ў двух дзеях. У спектаклі шчыльна перапляліся паміж сабой дзве містычныя гісторыі: гісторыя знакамітага героя фальклору, мага і чарадзея пана Твардоўскага, і легенда пра Чорную Панну — дух Барбары Радзівіл.
Пан Твардоўскі ў свой час заключыў здзелку з д’яблам, аддаўшы яму сваю душу ў абмен на таямнічыя веды і магічную сілу. Барбару Радзівіл моцна пакахаў і зрабіў сваёй жонкай, насуперак усім ворагам, кароль Рэчы Паспалітай Жыгімонт Аўгуст.
Падчас тэатральнай дзеі глядач даведаецца, ці ўдасца пану Твардоўскаму падмануць самога д’ябла і не страціць уласную душу, захаваўшы пры гэтым атрыманы дар, а таксама дазнаецца, што адбылося пасля таго, як пахавалі прыгажуню Барбару…
Пачатак спектакля 1 снежня ў 18.30. Квіткі можна набыць у касе тэатра.
